Kjære publikum,

Velkomne til Jesus Krist Superstar – på nynorsk!

Her får de oppleve ei av dei mektigaste forteljingane i verdshistoria, boren fram av rockens udødelege energi. Jesus Krist Superstar er ikkje berre ei attforteljing av bibelske hendingar; det er eit intenst drama om venskap, svik og den skyhøge prisen for radikal idealisme.

I år markerer vi noko heilt særskilt. For ti år sidan gjekk teppet opp for Hair, den aller første framsyninga vår som Sceneverftet. Sidan den gong har målet vårt vore å skape og halde liv i eit inkluderande musikalmiljø i Lofoten. Denne oppsettinga er difor ein merkedag for oss – eit jubileum for eit tiår prega av samarbeid, skaparglede og sterkt lokalt engasjement.

Takk for at de deler denne kvelden med oss, og for at de er med på å halde Sceneverftet levande.

God fornøyelse!